Friday, April 17, 2009

ബ്ലോഗര്‍ക്കെന്താ കൊമ്പുണ്ടോ?

ആവിഷ്കാരസ്വാതന്ത്ര്യത്തിന്റ്റെ അത്യുന്നത ശൈലങ്ങളില്‍ വിരാജിക്കുന്ന ഒരു മുടിചൂടാ മന്നനാണ്‌ ബ്ലോഗര്‍.. എന്ന് വച്ചാ ഭാരത ഭൂഖണ്ഡത്തില്‍ എന്നല്ല , അതിര്‍ത്തികളാല്‍ വേര്‍തിരിക്കപ്പെട്ട ഏതൊരു രാജ്യ സങ്കല്പങ്ങളില്‍ രൂപീകൃതമായ നിയമവ്യവസ്ഥിതികള്‍ക്കും അപ്പുറം തൂലികാനാമത്തിന്റ്റെ ചിറകില്‍ പറന്നു നടക്കുന്നവന്‍... അവനരെയും പരിഹസിക്കാം..അഭിപ്രായങ്ങള്‍ പറയാം..വിമര്‍ശിക്കാം..തെറി വിളിക്കാം...അങ്ങിനെ ഒരുപാടു അവകാശങ്ങള്‍ ജന്മനാ ഒരു ബ്ലോഗര്‍ക്ക് വരദാനമായി കിട്ടുന്നുമുണ്ട് ...എന്നാല്‍ ചിലപ്പോഴൊക്കെ, അല്ല ഈയിടെയായി മിക്കവാറും, ആരോഗ്യപരമായ ചര്‍ച്ചകള്‍ക്ക് പകരം, വ്യക്തി വിദ്വേഷത്തിന്റെയും ,രാഷ്ട്ര വിരുദ്ധ നയങ്ങളുടെയും പരസ്യമായ പ്രഖ്യാപനമായി നമ്മുടെ ചില ബ്ലോഗുകളെങ്കിലും മാറുന്നുണ്ട്...

ചിത്രകാരന്‍ പ്രശ്നത്തില്‍ മനോഭാവം പലപ്പോഴും പ്രകടമാകുകയും ചെയ്തു..ഒരു സമൂഹത്തിലെ സ്ത്രീകള്‍ മൊത്തം വേശ്യകളാണെന്നു പറഞ്ഞു ബുദ്ധിജീവി ചമഞ്ഞു നടന്ന മഹാനുഭാവന്റെ ഭാഷയോടെ ചിലര്‍ക്ക് എതിരഭിപ്രായമുള്ളു...(വേശ്യകളാണെന്ന കാര്യത്തില്‍ ആര്‍ക്കും സംശയമില്ല..ചിലര്‍ക്കെന്കിലും പരാമര്‍ശം സന്തോഷം നിറഞ്ഞ ഒരു ഉറക്കമെന്കിലും സമ്മാനിച്ചിട്ടുണ്ടായിരിക്കും )..ഇതിനെതിരെ പോലീസ് നടപടിക്ക് പോയ പൊന്നമ്പലത്തിനു നേരെ പലരും കടിച്ചു കീറുകയും ചെയ്തു...ആവിഷ്കാര സ്വാതന്ത്ര്യത്തിനു മേലുള്ള കടന്നു കയറ്റം..കഷ്ടം..

ആശയങ്ങളെ ആശയങ്ങള്‍ കൊണ്ടാണ് നേരിടേണ്ടത് എന്ന ന്യായം നിലനില്‍ക്കുന്നതുകൊണ്ട്‌ നിയമപരമായ നടപടികള്‍ ചങ്ങലകളും വിലങ്ങുകളുമാണത്രെ..ഒരു പരസ്യമായ മാധ്യമം എന്ന നിലയില്‍, ആര്‍ക്കു വേണമെങ്കിലും വായിക്കാവുന്ന, ആശയങ്ങളെ ദ്രുതഗതിയില്‍ കൈ മാറാവുന്ന ഒരു സങ്കേതമാണ് ബ്ലോഗ് എന്നിരിക്കെ, ഒരു സമൂഹത്തിന്റെയോ രാഷ്ട്രത്തിന്റെയോ അഖണ്ഠതയ്ക്ക് ഭീഷണിയാവുന്ന, ഏതെങ്കിലും തരത്തില്‍ ഭീഷണിയായേക്കുന്ന നിലപാടുകള്‍ നിയമപരമായി നേരിടേണ്ടതു തന്നെയല്ലേ? 'നിയമപരം' എന്നത് കൊണ്ടു ഒരു ഏകാധിപത്യ നിലപാടുകള്‍ അടിച്ചേല്പ്പിക്കുവാനുള്ള സാധ്യതയും അവിടെ ഇല്ലാതാവുന്നു..ആരോപിക്കപ്പെടുന്ന കുറ്റം നിഷേധിക്കാനും തെളിയിക്കാനും അവിടെ സാഹചര്യം ഉണ്ടല്ലോ ...എന്നാല്‍ തങ്ങള്‍ വിമര്‍ശനത്തിനും ബാഹ്യമായ ഇടപെടലുകള്‍ക്കും അതീതരാണ് എന്ന രീതിയിലുള്ള (അതെന്തു ആവിഷ്ക്കാര സ്വാതന്ത്ര്യത്തിന്റെ പേരിലാണെങ്കിലും ) ധാര്‍ഷ്ട്യം 'പൌരബോധമുള്ള വായനക്കാരനോടുള്ള' വെല്ലുവിളി അല്ലേ?

ഒരു മൈക്കിന്റെ മുന്നില്‍ കൂടി വരുണ്‍ ഗാന്ധി പറഞ്ഞ വിവരക്കേടുകള്‍ക്ക് ഉണ്ടായ നടപടികള്‍ സ്വാഗതാര്‍ഹമാണ് നമുക്ക്..അവിടെ ആശയപരമായി നേരിടാന്‍ ആരും തന്നെ ആവശ്യപ്പെട്ടിട്ടുമില്ല ..അതേപോലെ തന്നെ നിരീക്ഷിക്കപ്പെടെണ്ട മാധ്യമം തന്നെയാണ് ബ്ലോഗ് ..ഇത് തമ്മില്‍ compare ചെയ്യാന്‍ പാടില്ലാത്ത അകലം ഉണ്ടെന്നു ഈയുള്ളവന് തോന്നുന്നില്ല ...

ഒന്നുമാത്രം...ഭരണഘടനകള്‍ അനുശാസിക്കുന്ന പരിമിതികള്‍ക്കപ്പുറം, മാനവിക സ്നേഹത്തിന്റെ ചിറകുകളരിയുന്ന കൊടുവാളുമായി, ഒരു സമൂഹത്തിന്റെ വിശ്വാസപ്രമാണങ്ങള്‍ക്കു മേല്‍ അസഭ്യവര്‍ഷം ചൊരിയുന്ന തൂലികയുമായി, യാത്ര തുടരുന്ന ബ്ലോഗര്‍മാര്‍ (ആരെയും പേരെടുത്തു പറയുന്നില്ല) നിയന്ത്രിക്കപെടേണ്ടതാണ്...

4 comments:

Anonymous said...

Thanks for this post.I am not a blogger. I used to read Malayalam blogs and express my comments if the blogs has anonymous comment facility. I have seen some of the bloggers uses very abusive and hate speeches and shout at anonymous if they express their views. Some say that anonymous does not deserve replies. I equally agree that anonymous comment facilty is misused in some context. I really feel that Bloggers who thinks they are above all, and write whatever they feel in third rated language. I welcome the movements against “Chitrakaran” who crossed all the limits of freedom expression. And there are people of claim and promote left ideology, treat others comments very bad and start attacking physically, morally with third rated language. Eg”Chuvappu kanda kalakal”. I respect “Nakulan” for his humble efforts to give answers.

Anonymous said...

I really feel that Bloggers who thinks they are above all, and write whatever they feel in third rated language should be treated seriosly

സത said...

U r right.. Nobody has special rights.. Those who writes out hatred, must b controlled..

hAnLLaLaTh said...

...യോജിക്കുന്നു വരികളോട്...